لا تستغل الغلا و تتكرر الزله!

لا تستغل الغلا و تتكرر الزله!

1/
‏يبقى شموخي فوق لو خافقي طاح
لآ تحسب إن الجرح يجبرني أرجيك
صفحة أبطويها و أنا كلي جراح
و يؤسفني إنه ضاع كل الرجاء فيك.

2/
‏يا ليتني دكتور و أعالج الزين
و أفتح على شانه عياده جديده
و أحط له موعد يجي كل يومين
و أعلمه معنى الحياة السعيده.


3/
‏ما عندي إلا وجهي اللي تشوفه
صراحتي مدري توديني ل وين
مع إني ادري ه الزمان و ظروفه
لازم عشان تعيش تحتاج وجهين.


4/
‏لولا الأمل ما عاشوا الناس سالين
و لولا المواقف ما عرفنا بعضنا
نكسب و نخسر و التجارب براهين
و ياليتنا مما نشوف اتعضنا.


5/
‏للطيب باب و للردى عشرة أبواب
و كلٍ على ما قيل يختار بابه
راع الوفا و الطيب يحسب له حساب
و الى الردي ب يموت محدٍ درابه.


6/
‏على آلنقآ نبقى ولو عآقنآ عوق !
و يبقى آلوفا منّـا وفينآ وآلينآ
و وجيهنآ بيضاء و هآمآتنا فوق !
و إن ضآقت آلدنيآ مآ ضآقت علينآ.


7/
‏كل مآ ضآقت فرجهآ يجي مثل آلغيوم
فزعة آللي مآ يمن آلعطايآ ،، لآ عطآ
لو يجي ل آلحظ كبوه ليآ جآدت يقوم
مآ شكينآ جرح الأيام .. لو جآر وسطا.


8/
‏داويت جرحه يوم صكته الأقدار
و رد العطا في جرح ماله مداوي
و أقنعته إن البحر كتام الأسرار
و أقنعني أن البحر ماله مخاوي.


9/
‏مع أحترامي للزمن و الصداقات
و روح القلوب الطاهرة و العفيفة
في ه الزمن رغم آنتشار العلاقات
نادر تلاقي قلوب طاهره نظيفة.


10/
‏مآ طاح في قلب آلغلآ غير الأوجآع
و مآ شآلت كفوف آلندم .. غير ضيقه
آثر آلغلآ لا زآد عن حدّه .. أنبآع
مثل آلدفى لآ زاد .. يصبح حريقه.


11/
‏قلبي أنا وافي ما تكفيه الاصدور
لكن على الله وحده بالهم داري
ماجور يا قلبي من الحب ماجور
من شفت زولك شب ب القلب ناري.


12/
‏النفوس أنواع و الدنيا مصالح
و الستر مكسب و يغنيك إن كسبته
لا جبرك الوقت تشرب ماء مالح
أشرب ولا تقول للعالم شربته.


13/
‏لا تستغل الغلآ و تكرر الزله
ي اللي ملكت الفواد بخيره و شره
صاحبك دامه عسل لا تلحسه كله
خل العسل ينفعك ، ل ايآمك المره.


14/
‏لآ تدك صدرك و صدرك عليل
ولآ تشيل آلسيف و عظمك ترف
آلشوآرب ع آلرجوله مو دليل
آلرجوله ب الموآقف تنعرف.


15/
‏يا راع المزاج الصعب منت ب علينا صعب
ليا طبت طبنا .. و إن ترديت طنشناك
نشوفك ب نصف العين دام السوالف لعب
و الى عودت للجد .. ب العين شفناك